Monday, January 30, 2012

ဘိလပ်မြန်မာ ဆွေးနွေးပွဲ

ဘိလပ်မြန်မာ ဆွေးနွေးပွဲ 


ဘိလပ်သို့ ရောက်ရှိနေသော ဗိုလ်ချုပ်အောင်ဆန်း ခေါင်းဆောင်သည့် မြန်မာကိုယ်စားလှယ်အဖွဲ့နှင့် မစ္စတာအက်တလီခေါင်းဆောင်သော ဗြိတိသျှအစိုးရအဖွဲ့တို့သည် ၁၉၄၇ ခု၊ ဇန်န၀ါရီလ ၁၃ ရက်နေ့ တွင် မြန်မာ့လွတ်လပ်ရေးအတွက် စတင်ဆွေးနွေးကြသည်။ ၂၇ ရက်နေ့တွင် မြန်မာ့လွတ်လပ်ရေးအတွက် စတင်ဆွေးနွေးကြသည်။ ၂၇ ရက်နေ့တွင် “အောင်ဆန်း အက်တလီစာချုပ်” ကို လက်မှတ်ရေးထိုးကြသည်။ မြန် မာ ကိုယ်စားလှယ် အဖွဲ့သည် အင်္ဂလန်မှ ၁၉၄၇ ခု၊ ဇန်န၀ါရီလ ၃၀ ရက်နေ့တွင် လေယာဉ်ပျံဖြင့် ပြန်လည်ထွက် ခွါလာကြရာ အိန္ဒိယတွင် တထောက်နားပြီး ဖေဖော်ဝါရီ ၂ ရက်နေ့ ညနေပိုင်းတွင် ရန်ကုန်မြို့  သို့ပြန်လည် ရောက်ရှိလာခဲ့ကြသည်။

ဖေဖော်ဝါရီလ ၃ ရက်နေ့ညနေ ၃နာရီ အချိန် (ဖဆပလ) အဖွဲ့ချုပ်တွင် သတင်းစာကွန်ဖရင့် ကျင်းပ၏။ အဆိုပါ သတင်းစာကွန်ဖရင့်၌ ဗိုလ်ချုပ်အောင်ဆန်း ပြောကြားချက်များမှာ အောက်ပါအတိုင်းဖြစ်သည်။

ဘိလပ် - မြန်မာ ဆွေးနွေးပွဲတွင် သဘောတူညီချက်အရ စက္ကူဖြူ စံနစ်ဟာ လုံးလုံးပျက်ပါတယ်။ သို့သော် လွတ် လပ်ရေးတိုက်ပွဲဟာ မပြီးသေးပါ။ ခုသဘောတူခဲ့တဲ့အတိုင်း အစစအရာရာ ရှောရှောရှူရှူ ပြီးမြောက်ပါက အေး ချမ်းသောနည်းဖြင့် ဗမာပြည်လွတ်လပ်ရေးရနိုင်ဖွယ် ရှိတယ်။

ရခဲ့သော အာဏာများ

ဘိလပ်သို့ သွားစဉ်က (ဖဆပလ) အဖွဲ့ချုပ်က ညွှန်ကြားလိုက်သည့်အတိုင်း တိုင်းပြုပြည်ပြုလွှတ်တော်အတွက် တိုက်ရိုက်ရွေးကောက်ပွဲ ကျင်းပရန်နှင့် ကြားဖြတ်အစိုးရ အခွင့်အာဏာများလဲ ရရှိခဲ့တယ်။

ကြားဖြတ်အစိုးရ အာဏာအတွက် ဥပဒေကို ပြင်နေလျှင် ကြာနေမည်စိုး၍ ဥပဒေအရ တန်ခိုးအာဏာ မရသော် လည်း (Convention) ခေါ် ထုံးတမ်းစဉ်လာ အားဖြင့် ဆိုပါမူ ဒိုမီနီယံ အစိုးရများ ရရှိသော အခွင့်အာဏာများ ရပါတယ်။

သံတမန်လွှတ်ရေးကိစ္စ

နိုင်ငံခြားရေး ကိစ္စများ အတွက် ဆိုလျှင်လဲ ပြည်ထောင်ချင်း သံအမတ် အလဲအလှယ် လုပ်ဖို့ သူတို့(ဗြိတိသျှအစိုး ရ) လုပ်ပေးပါမယ်လို့ ပြောပါတယ်။ ကမ္ဘာ့ကုလသမဂ္ဂတွင် ပါဝင်နိုင်ဖို့လဲ ထောက်ခံမယ်လို့ပြောပါတယ်။ သံတ မန်ကိစ္စကို ရရှားသံအမတ်နှင့်လဲ တွေ့ဆုံပြောခဲ့ပါသေးတယ်။

မြန်မာပြည်လေတပ်

မြန်မာပြည် လေတပ် ကာကွယ်ရေးအတွက် လေတပ်ထားရန် ကိစ္စကို ဗြိတိသျှ လေကြောင်း ဗိုလ်ချုပ်နှင့် တွေ့ဆုံ ပြီး ပြောခဲ့ပါတယ်။ မကြာမီ လေယာဉ်ပျံ မောင်းတတ်ပြီးသော လူများနှင့် စတင်ဖွဲ့စည်းဖို့ စီစဉ်ပါမယ်။

စစ်တပ်ရုပ်သိမ်းရေး

ဗမာပြည်ရှိ နိုင်ငံခြားစစ်တပ်များကို ရုပ်သိမ်းရန် ဆိုတဲ့အချက်နှင့် ပက်သက်လို့ တိုင်းပြုပြည်ပြု လွှတ်တော်ကရုပ် သ်ိမ်းပေးပါလို့ ဆုံးဖြတ်ခဲ့လျှင် သူတို့က ရုပ်သိမ်းပေးပါမယ်လို့ ပြောပါတယ်။

တောင်တန်းနယ်ကိစ္စ


တောင်တန်းနယ်များ ကိစ္စနှင့် ပက်သက်လို့တော့ သူတို့ သဘောတူတယ်ဆိုလျှင် လွတ်လပ်ရေးပေးရမယ်လို့ တောင်းတာဘဲ၊ ဒါပေမဲ့ သူတို့ကိုယ်စားလှယ်လဲ မဟုတ်တော့ ကိုယ်စားလှယ်လို့လဲ မပြောရဲ၊ ဒီလိုဆိုလျှင်ဖြင့် သူ တို့ သဘောတူပါလိမ့်မယ်လို့ ပြောရတာဘဲ။

အင်္ဂလိပ်မစောင့်ရှောက်နှင့်

တောင်တန်းဒေသများကို ဗြိတိသျှ အစိုးရတို့က အစောင့်အရှောက် Trusteeship ယူဖို့ အခွင့်အရေးမရှိ၊ ကျွန် တော်တို့ကလည်းမယူ၊ သူတို့ရဲ့ ပြည်တွင်းအုပ်ချုပ်ရေးကိုလဲ ကြားဖြတ် အစိုးရက ၀င်မစွက်ဖို့ပြောတဲ့အခါ ဘိလပ် အစိုးရက ကောင်းပြီ၊ သူတို့ကို မေးကြည့်မယ်၊ သူတို့သဘောတူလျှင် လုပ်မှာဘဲလို့ပြောပါတယ်။

အာဏာပိုင် အခွင့်အရေး


တိုင်းပြုပြည်ပြု လွှတ်တော်နှင့် ပက်သက်၍ အာဏာပိုင် အခွင့်အရေး အတွက်တော့ သိပ်ပြီး အတိုက်အခံ မပြော ပါ။ အသင့်အတင့်လောက်တော့ ပြောပါတယ်။ သည်ပြဿနာကို ဖိပြီး မပြောရန်လဲ ဖဆပလ အလုပ်အမှု ဆောင်အဖွဲ့က ညွှန်ကြားလိုက်ပါတယ်။ သည်အတိုင်းဆိုလျှင် တိုင်းပြုပြည်ပြု လွှတ်တော်ရွေးကောက်ပွဲကို ဧပြီ လ အတွင်းမှာ ကျင်းပနိုင်ပါမယ်။ မေလ၊ သို့မဟုတ် ဇွန်လလောက်မှာ တိုင်းပြည်ပြု လွှတ်တော်က ဗမာပြည်ဗြိတိ သျှပြည်ထောင်စုအတွင်း နေ - မနေ ဆုံးဖြတ်ဖို့ပါဘဲ။

ရှေ့ လုပ်မည့်အလုပ်များ

ဗြိတိသျှပြည်ထောင်စုအတွင်း နေမည်ဆိုလျှင် အုပ်ချုပ်ရေး စည်းမျဉ်းများကို ဘိလပ်ပါလီမန်က အတည်ပြုဖို့ တင်ပြရပါမယ်။ သို့မဟုတ် ပြင်ပမှာ နေချင်တယ်ဆိုလျှင် အာဏာလွှဲပြောင်းရေး စာချုပ်ပြုလုပ်ရလိမ့်မယ်။ အဲ သည်အခါမှာ အချိန်နှောင့်နှေးအောင် လုပ်ချင်လုပ်ကြလိမ့်မယ်။ သို့သော် တိုင်းပြုပြည်ပြု လွှတ်တော်က ဗမာ ပြည်လွတ်လပ်ရေးကြေညာရန် အတွက် အချိန်ကန့်သတ်ရမှာဘဲ။ အဲဒီ အရေးဟာ လူထု ဆုံးဖြတ်ချက် အပေါ်မှာ တည်ပါတယ်။

လွတ်လပ်ရေးအမှန်ရမယ်


အမှန်ကတော့ လွတ်လပ်ရေးဟာ ရမှာဘဲ။ အချိန်ကန့်သတ်လို့ ဘယ်လောက်မြန်မြန်ရနိုင်တယ်ဆိုတာ အာဏာ လွှဲပြောင်းရန်အတွက် စာချုပ်ချုပ်တဲ့ အခါမှာ အရေးကြီးပါတယ်။ ဗမာပြည်နှင့် ဗြိတိသျှအစိုးရတို့ စာချုပ်မှာ အ ပေးအယူ သင့်မြတ်ဖို့လိုသလို၊ ရဖို့မှာ နောက်က ထောက်ခံအားပေးတဲ့ လူထုအင်အားရှိမှ ကျွန်တော်တို့ လွတ် လပ်ရေးကို ရမှာ။

တိုက်ပွဲမပြီးသေးဘူး

ဒါကြောင့်မို့ လွတ်လပ်ရေး တိုက်ပွဲဟာ မပြီးသေးဘူး။ သို့သော်တိုက်ပွဲ အခြေအနေ တမျိုးပြောင်းသွားတယ်။ သည်အတိုင်းသာ အခြေအနေ တိုးတက်ကောင်းမွန်သွားမယ် ဆိုလျှင် အေးချမ်းသာယာတဲ့ နည်းနှင့် ဗမာပြည် လွတ်လပ်ရေး ရနိုင်ဖွယ် ရှိတယ်။

အားလုံးအသင့်ပြင်ထားကြပါ


သတင်းစာ ဆရာများက အကယ်၍သာ အာဏာ လွှဲပြောင်းရေး အတွက် စာချုပ်ချုပ်ဆိုရာတွင် ဗြိတိသျှအစိုးရ တို့က တမျိုးတမည် ပြုလုပ်ပါက မည်သို့ လုပ်ပါမည်နည်းဟု မေးမြန်းရာ ဗိုလ်ချုပ်အောင်ဆန်းက .... ဒါကြောင့် မို့ လွတ်လပ်ရေး တိုက်ပွဲ မပြီးသေးပါဘူးလို့ ကျွန်တော် ပြောတာပေါ့။ ကျုပ်တို့အားလုံး အသင့်ပြင်ထားကြမယ်။ အဲ သည်အခါကျတော့ သူတို့ပြင်လုပ်ဖို့ အတော်ခက်ပါလ်ိမ့်မယ်။

အိန္ဒိယထက်သာမယ်


ကြားဖြတ်အစိုးရ ရရှိမည့် အာဏာမှာ အိန္ဒိယကြားဖြတ် အစိုးရထက်သာလျှင်သာ သာမည်၊ မလျော့ဆိုသည်ကို အိန္ဒိယပြည်ကို ရောက်ခဲ့သည့်အတွက် ရဲရဲဝံ့ဝံ့ ပြောနိုင်တယ်။

စက္ကဖြူစံနစ်ပျက်ပြီ

ယခု သဘောတူညီချက်အရ စက္ကဖြူစံနစ် ပျက်ပါသည်။ စက္ကူဖြူစနစ်အရမှာ အခွင့်အရေး ဘာမျှမရခဲ့ကြောင်း။ မြန်မာပြည် စစ်တပ်ဆိုရာတွင် တိုင်းရင်းသားစစ်တပ်၊ ဗမာပြည် ရေတပ်စသည်တို့မှာ ဗမာပြည် ကြားဖြတ်အစိုးရ လက်အောက်ရောက်မည့်ပြင် စစ်တပ်အသစ်များကို ထူထောင်နိုင်ရန် အခွင့်အရေးလည်း ရရှိမည်ဖြစ်ကြောင်း။

No comments:

Post a Comment