(ဖဆပလ)

(ဖဆပလ)
၁၉၄၅ ခုနှစ် သြဂုတ်လ စတုတ္တအကြိမ်မြောက် နိုင်ငံရေးခေါင်းဆောင်များ

အစည်းအဝေးတွင် မြွက်ကြားသည့်မိန့်ခွန်း

ဂျပန်တော်လှန်ရေး ... ပြီးဆုံးသောအခါ ... ဗိုလ်ချုပ်အောင်ဆန်းသည် (ဖဆပလ အဖွဲ့ချုပ်ကြီး) ခိုင်မာ တောင့်တင်း လာစေရန် ... စနစ်တကျ ပြန်လည် စည်းရုံးလေသည်။ (ဖဆပလ) သည် ... အမျိုးသား တပ်ပေါင်းစု ဖြစ်သည့်အတိုင်း ... ပါတီအသီးသီး ... လူတန်းစား အသီးသီး ... လူတန်းစား အဖွဲ့အစည်း အသီးသီး ... တစ်သီး ပုဂ္ဂလနိုင်ငံရေး ခေါင်းဆောင်များစသည်တို့ ... ပါရှိနေရမည် ဖြစ်၏။ ထိုသို့ စုစုစည်းစည်း ရှိနိုင်ရန် ထိုပါတီများ၊ လူတန်းစား အဖွဲ့အစည်းများ ... တသီးပုဂ္ဂလ နိုင်ငံရေး ခေါင်းဆောင်များသည် ... (ဖဆပလ) ၏ ရည်ရွယ်ချက်နှင့် လုပ်ငန်းစဉ်ကို ... နားလည် ... လက်ခံမှသာ စုစုစည်းစည်း ရှိနိုင်မည်ဖြစ်၏။ ထို့ကြောင့် ဗိုလ်ချုပ်အောင်ဆန်းသည် နိုင်ငံရေး အဖွဲ့အသီးသီးမှ ခေါင်းဆောင်များကို (ဖဆပလ) အဖွဲ့ချုပ်သို့ ဖိတ်ကြားပြီးလျှင် ဆွေးနွေးပွဲတခု ကျင်းပခဲ့သည်။ အောက်ပါမိန့်ခွန်းမှာ ... ထိုဆွေးနွေးပွဲတွင် ပြောကြားခဲ့သော မ်ိန့်ခွန်းဖြစ်သည်။

ကနေ့ လူကြီးများ ... အစည်းအဝေး ခေါ်ရခြင်း အကြောင်းမှာ ... နိုင်ငံအတွင်း နိုင်ငံရေး... ညီညွတ်မှုကို ... ရှေ့  ရှု၍ ခေါ်ဆိုရ ခြင်း ... ဖြစ်ပါတယ်။ အရင်ကလဲ ... ခေါ်ခဲ့တယ်။ မူလကလဲ ... ရည်ရွယ်ခဲ့တယ်။ နိုင်ငံရေး ညီညွတ်မှုဆိုတဲ့ ... အဓိပ္ပါယ်ဟာ ... ဘာလဲဆိုရင်၊ အခု ... ကျွန်တော်တို့ ... ဖက်ဆစ် တိုက်ဖျက်ရေး ... ပြည်သူ့ လွတ်လပ်ရေး ... အဖွဲ့ချုပ်ကို ... တနိုင်ငံလုံးရဲ့ နည်းလမ်းတကျ အတည်ပြုတဲ့အဖြစ်ကို Formal Sanction အမြန် ရောက်အောင် လုပ်ပြီး ... ဒီအဖွဲ့ချုပ်ကြီးရဲ့ ... ၀ါဒရည်ရွယ်ချက် ... စည်းမျဉ်းများအတိုင်း နိုင်ငံအတွက် ဖက်ဆစ်ဝါဒ ... ကမ္ဘာကြီးတလျှောက် ပပျောက်သွားရေး ... မြန်မာနိုင်ငံ လွတ်လပ်ရေးနှင့် ... ထူထောင်ရေး ... လုပ်ငန်းစဉ်များကို ... အများပြည်သူတို့ ဆန္ဒနှင့် လျော်ညီစွာ တညီတညွတ်တည်း လုပ်ကိုင်ခြင်းကို ဆိုလိုပါတယ်။ ဒါကြောင့် ကျွန်တော်တို့ဟာ အဖွဲ့ချုပ်၏ ရည်ရွယ်ချက်များအဖြစ် အောက်ပါအတိုင်း ... သတ်မှတ်ထားပါတယ်။

(က) ဖက်ဆစ်ဝါဒ ကမ္ဘာတွင် လုံးဝပပျောက်သည်အထိ ဆောင်ရွက်ရန်။

(ခ) အတ္တလန္တိတ် ကြေငြာချက်၊ တီဟီရန် ကြေငြာချက် စသောကြေငြာချက်များအတိုင်း ဗမာပြည်သူ ပြည်သားတို့သည် မိမိတို့ကံကြမ္မာကို မိမိတို့ဖာသာ ဖန်တီးနိုင်ရန်။

(ဂ)ဗမာပြည်အတွင်းရှိ တိုင်းရင်းသား လူမျိုးတိုင်း မိမိတို့ ကံကြမ္မာကို မိမိတို့ဖာသာ ဖန်တီးနိုင်ပြီး အား လုံး၏ သဘောနှင့် ညီညွတ်စွာ ထူထောင်သောနိုင်ငံတည်ထောင်ရန်။

ဒါတွေဟာ ... အဖွဲ့ချုပ်ကြီးရဲ့ ရည်ရွယ်ချက်များ ဖြစ်ပါတယ်။

ဒီအဖွဲ့ချုပ်ကြီးရဲ့ ရည်ရွယ်ချက်တွေရဲ့ သဘောတရား အကျယ်ကို ... ရှင်းပြပါအုံးမယ်။ အခုကမ္ဘာကြီးမှာ ... လူတဦးထဲက ဖြစ်စေ ... သို့မဟုတ် လူတစုကဖြစ်စေ ... နိုင့်ထက်ကလူပြုကာ ... နိုင်ငံအတွင်းမှာရော၊ ... နိုင်ငံအပမှာရော ... ဖက်ဆစ်ဝါဒဟာ ပြည်တွင်း လွတ်လပ်ရေး ... ကမ္ဘာ့ လွတ်လပ်ရေး ... ငြိမ်းချမ်းရေးကို ... ဖျက်ဆီးခဲ့တယ်။ ဒီလိုဖက်ဆစ်ဝါဒဟာ ... ဆိုးသွမ်းတယ်ဆိုတာကို ... ကျွန်တော်တို့ တိုင်းသူ ပြည်သားတွေကိုယ်တိုင် ... အဲဒီဝါဒ လက်ကိုင်ထားတဲ့ ဂျပန်အောက်မှာ ... သုံးနှစ် သုံးမိုးလောက် နေခဲ့ရလို့ ... လက်တွေ့ သိရှိခဲ့ပြီးဘဲ။ အခုအခါ ပြည်တပြည်မှာ ဒီလိုဝါဒမျိုးရှိရင် ... သူတို့ဖာသာသူတို့ ဖြစ်နေကြတာ ... ငါတို့နှင့် ဘာဆိုင်သလဲလို့ ... စောဒက တက်ချင်ကြတဲ့ လူတွေရှိချင် ရှိမယ်။ အဲသည်လို ... စောဒကကို အဖြေကတော့ ဒီလိုဘဲအရင်က အချို့  ... တိုင်းပြည်ကြီးတွေ ... လူတွေ သဘောထားကြလို့ လွှမ်းမိုးတဲ့ တိုင်းပြည်တွေက တဖြည်းဖြည်း နယ်ချဲ့ ပြီး ... ရမ်းကားလာတဲ့အတွက် အခု စစ်ကြီး ဖြစ်ခဲ့ရတာဘဲ။ ဒီဖြစ်ခဲ့တဲ့ စစ်ကြီးဟာလဲ ကျွန်တော်တို့ နိုင်ငံပါမကျန် ... မီးကူးခဲ့တယ် မဟုတ်ဘူးလား ... ဆိုတဲ့ လက်တွေ့အဖြေကိုဘဲ ပေးရမှာဘဲ။ အခု ခေတ်မှာစစ်ဟာ တနိုင်ငံထဲမှာလဲ မဖြစ်နိုင်ဘူး ... ဖြစ်ပြန်ယင်လဲ စစ်မီးကူးစက်တတ်တယ်၊ စစ်မီးကူးယင် တကမ္ဘာလုံး ဒုက္ခရောက်တယ် .... ဒါကြောင့် ငြိမ်းချမ်းရေးကို ကျွန်တော်တို့ဟာ အမြဲတမ်း ရနိုင်သလောက် ... ရအောင် ကြိုးစား ရမယ် ....

ယခုအခါမှာ ငြိမ်းချမ်းရေးကို အဖျက်ဆီးဆုံး ၀ါဒဟာ ဖက်ဆစ်ဝါဒဖြစ်လို့ ... ဒီဝါဒ ကမ္ဘာမှာ ဘယ်နေရာမှာဖြစ်ဖြစ် ... ရှိနေယင် စစ်ဖြစ်အုံးမှာမို့ ... ဒီဝါဒ ပပျောက်အောင် လုပ်ဖို့ လိုတယ်။ ဒီတွင်လားဆိုယင် မဟုတ်သေးဘူး၊ ဒီဝါဒမျိုးဟာ ... သူတို့ပြည်မှာလဲ ... တိုင်းသူ ပြည်သားတွေကို ... ချုပ်ချယ်တယ်။ ကမ္ဘာမှာလဲ အင်မတန် ရိုင်းစိုင်း သေးနုပ်တဲ့ ... လူမျိုးရေး ၀ါဒကို လက်ကိုင်ထားပြီး ... ပိုပြီး ချုပ်ချယ်ဖို့ ... ရည်ရွယ်ချက်ရှိတယ်။ ကမ္ဘာမှာ ကမ္ဘာ့ လွတ်လပ်ရေးကို ... ထိခိုက်တယ်။ ကမ္ဘာ့ လွတ်လပ်ရေး ထိခိုက်လို့ရှိယင် ... ကမ္ဘာ့လွတ်လပ်ရေး မရှိနိုင်ဘဲဖြစ်သွားမယ် ... ကမ္ဘာ့လွတ်လပ်ရေး မရှိနိုင်ရင် ဗမာ့လွတ်လပ်ရေးဆိုတာလဲ ... မရှိနိုင်ဘူး။ အခုတချို့့ ကပြောကြမယ် ... စစ်ကြီးဟာ ပြီးသွားပြီ၊ ဖက်ဆစ်တွေလဲ ကျသွားပြီ မဟုတ်လားလို့ မေးကြမယ်။ အခု ဖက်ဆစ်ဝါဒဟာ စစ်အားဖြင့် ရှုံးသွားပေမဲ့ ဒီဝါဒ သို့မဟုတ် ဆင်တူရိုးမှား ၀ါဒ ... လက်ကိုင် ထားတဲ့လူတွေ၊ အဖွဲ့တွေ ... နိုင်ငံတွေ ရှိသေးတယ်။ ဥပမာ ... စပိန်ပြည်နှင့် တရုတ်ပြည်မှာ ... ဒီဝါဒမျိုးတွေ ကြွင်းကျန် နေတုန်းဘဲ။ ဒီဝါဒမျိုးကို အားပေးတဲ့ နိုင်ငံပေါင်းများစွာ ... တည်ရှိပြီး ပေါင်းစည်းထားတဲ့ ... စီးပွားရေး အဖွဲ့အ စည်း ကြီးမျိုးတွေ (International Trusts, Cartels, Combines) တွေလဲ ... ရှိသေးတယ်။ ဒါတွေ ရှိနေသမျှ ကမ္ဘာ့ ငြိမ်းချမ်းရေးဟာ မတည်မြဲနိုင်ဘူး .... ။ ကမ္ဘာ့ငြိမ်းချမ်းရေးဒဟာ လှုပ်လှုပ် လှုပ်လှုပ်နဲ့ ... နက်ဖြန် စစ်ပြန်ဖြစ်အုံးမလား ... ။ သဘက်ခါ ... စစ်ပြန်ဖြစ်အုံးမလား ဆိုပြီး ... ကမ္ဘာမှာရှိတဲ့ ကျွန်တော်တို့ ပြည်သူပြည်သားတွေနှင့် တခြား ... တိုင်းသူ ပြည်သားတွေဟာ ... အေးအေးဆေးဆေး နေခွင့်ရကြမှာ ... မဟုတ်ဘူး။

ဒါကြောင့် ... ဖက်ဆစ်ဝါဒ ကမ္ဘာမှာ ... ပပျောက်ရေးကို ... ကျွန်တော်တို့ ... ရည်ရွယ်ချက်ထဲမှာ ထည့်ထားတယ်။ ကမ္ဘာမှာ အဲဒီဝါဒမျိုးကို ... တိုက်ဖျက်မဲ့ လူတွေနဲ့ အမြဲပူးပေါင်းပြီး ... အခွင့်အာဏာရတိုင်း ဆောင်ရွက်ဖို့ဘဲ။

အထူးသဖြင့် ... ကျွန်တော်တို့ တိုင်းပြည်မှာ ... ဒီဝါဒမျိုး လုံးဝ မရှိနိုင်အောင် ...လုပ်ရမယ် ... အာဏာရှင်ဝါဒ၊ လူမျိုးအချင်း ချင်း မုန်းတီးရေးဝါဒ၊ ဂျပန်ပြည်မှာလို စစ်ကသာ လွှမ်းမိုးရမယ်ဆိုတဲ့ ... စစ်ဖက်အာဏာရှင်စနစ်၊ သက်ဦးဆံပိုင် ... ရှင်ဘုရင်စနစ်ဝါဒ ... အဲဒီဝါဒမျိုး ... အငယ်စားဖြစ်တဲ့ ပဒေသရာဇ် .... မြို့ စား ရွာစား ၀ါဒ (Feudalism) အထက်ကသာ ခန့်ထားပြီး တိုင်းသူ ပြည်သား ဆန္ဒအရ မဟုတ်ဘဲ၊ တိုင်းသူ ပြည်သားတွေနှင့် ကင်းကွာပြီး မင်းစိတ်ပေါက်တဲ့ ... အရာရှိတွေ ခြယ်လှယ်တဲ့ စနစ်ဆိုး တမျိုးရှိနေရင် ... အများ ပြည်သူတို့ ဆန္ဒနှင့် လုပ်ကိုင်ရတဲ့ ... ဒီမိုကရေစီဝါဒ ခေတ်မစားနိုင်တဲ့ ... ဖက်ဆစ်ဝါဒ ဆင်တူရိုးမှားတွေ ... ပေါ်ပေါက်နိုင်တယ်။ ဒီဝါဒမျိုးတွေ ... ပေါ်လာရင် တိုင်းသူ ပြည်သားတွေဟာ ... လွတ်လပ်ရေး ဆိုတာကို ... မရနိုင်တော့ဘူး။

ဒါကြောင့် ... ကျွန်တော်တို့ဟာ ... ဒီမိုကရေစီ ၀ါဒကို ... ခေတ်စားအောင် ... လုပ်ရမယ်။ အဲဒီ ၀ါဒမျိုး အရသာ လွတ်လပ်တဲ့ ဗမာနိုင်ငံ ထူထောင်နိုင်အောင် ... ကြိုးစားရမယ်။ ဒါမျိုး ... မလုပ်နိုင်ယင် ... ကျွန်တော်တို့ ဗမာပြည်က ... လူတွေဟာလဲ နစ်နာမယ်။ ကျွန်တော်တို့ ပြည်ကိုလဲ ... ကမ္ဘာက ကြည့်နေလို့ ... မရတဲ့ တနေ့၊ ဂျပန်နှင့် ဂျာမနီ ... ၀ိုင်းပြီး အနှိမ်ခံရသလို ... အနှိမ်ခံရမယ်ဆိုတာကို ... သတိ ချပ်ကြရမယ်။ ဒီမိုကရေစီ ၀ါဒသာ လွတ်လပ်ရေးနှင့် ဆီလျော်တယ်။ ဒီဝါဒသာငြိမ်း ချမ်းရေးကို ... အားပေးတယ် ... အဲဒါကြောင့် ... ဒီဝါဒကိုသာ ကျွန်တော်တို့ ... ရည်ရွယ်ရမယ်။ ဒါဖြင့် ... ဒီဝါဒဟာ ဘာလဲဆိုတာကို ရှင်းပြချင်သေးတယ်။

ကျွန်တော်တို့ အမြင်အရဆိုရင် ... တိုင်းပြည်ရဲ့ ... ခေါင်းဆောင်မှုဟာ လူတဦးထဲက ခေါင်းဆောင်မှုမျိုး မဟုတ်ဘဲနဲ့ အဖွဲ့နှင့် ခေါင်းဆောင်မှုမျိုး ... ဖြစ်ရမယ်။ အဖွဲ့ရဲ့  ဆန္ဒမဟုတ်ဘဲ ငါ့ဆန္ဒ ငါ့သဘောလုပ်တဲ့ ခေါင်းဆောင်မှုမျိုး ... မဟုတ်ဘဲ၊ အဖွဲ့ရဲ့ ... ဆန္ဒယူပြီးအဖွဲ့ရဲ့ အုပ်ချုပ်မှုအောက်မှာရှိတဲ့ ... ခေါင်းဆောင်မှုမျိုး ဖြစ်ရမယ်။

လူမျိုးရေး ... တရားဟာလဲ ... ငါ့လူမျိုးမှ ငါ့လူမျိုး ... တခြားလူမျိုးတွေဟာ ... ငါ့လောက်မမြတ်။ ငါ့လူမျိုးသာ ကမ္ဘာကြီးကို ... ကြီးစိုးရမယ်ဆိုတဲ့ ကျဉ်းမြောင်း သေးသိမ်တဲ့ ... လူမျိုးရေး တရားမဟုတ်ဘဲ ... ကိုယ့်လူမျိုး ကိုယ်ချစ်ခင်သော်လည်း ... တခြားလူမျိုးများကို မုန်းတီးခြင်း ... အထင်သေးခြင်း မဖြစ်ဘဲ ... ကမ္ဘာမှာ တိုင်းပြည်အချင်းချင်း ... သင့်မြတ်စွာတဦး အကျိုးတဦး ဖြစ်ပွားစေအောင် ... ဆောင်ရွက်တဲ့ လူမျိုးရေး တရားမျိုးလဲ ဖြစ်ရမယ်။ ဂျပန်ပြည်မှာလို စစ်ဘက်က လက်ဝါးကြီး အုပ်ပြီး ... တိုင်းပြည် လွှတ်တော်က ဘာမှ ... အစိုးမရတဲ့ စစ်အာဏာရှင် ၀ါဒမျိုး မရှိရအောင် ... စစ်ဖက်ကို တိုင်းပြည်လွှတ်တော်က အုပ်စိုးနိုင်ခွင့် ... ရှိရမယ်။

နောက်လွတ်လပ်စွာ ... ဖော်ပြခွင့် စည်းရုံးခွင့် အစည်းအဝေး ခေါ်ခွင့်နှင့် စီတန်း လမ်းလျှောက်ခွင့် ... လွတ်လပ်စွာ တွေးတောခွင့် ... ကိုးကွယ်လိုရာ ဘာသာ ကိုးကွယ်ခွင့် ... တရားနှင့် မညီသော အဖမ်းအဆီး အချုပ်အနှောင်မှ ကင်းလွတ်ခွင့် ... ကိုယ်ရေး လွတ်လပ်ခွင့် ... ကိုယ့်အိမ်ကိုယ့်ယာနှင့် ... နေထိုင်ခြင်းကို မတရားသဖြင့် ... နှောင့်ယှက်ခြင်းမှ ကင်းလွတ်ခွင့် ... လူတိုင်း ပညာသင်ကြားနိုင်ခွင့် ... အခမဲ့ ဆေးဝါး အကူအညီ ရရှိခွင့် ... မတရားသဖြင့် စီးပွားချုပ်ခြယ်မှုများမှ လွတ်ကင်း ချမ်းသာခွင့် ... အလုပ်သမား ... လယ်သမားများရဲ့ ... အနည်းဆုံး အခွင့်အရေးများကို အစိုးရကစောင့် ရှောက်ပေးခြင်း ... လူနည်းစု တိုင်းရင်းသားများ၏ အနည်းဆုံး အခွင့်အရေးများကို အစိုးရက စောင့်ရှောက်ပေးခြင်း ... တိုင်းပြည်တွင် တိုင်းရင်းသား လူမျိုးတိုင်း ... ကိုယ့်ဘာသာ၊ ကိုယ့်ဓလေ့၊ ကိုယ့်ယဉ်ကျေးမှုအတိုင်း ဆောင်ရွက်နိုင်ခွင့် ... အိုစာနာစာ အထိအခိုက် လျော်ကြေးရံပုံငွေ အစရှိသည်တို့ကို ... အစိုးရကထားပြီး အိုမင်း၍လည်းကောင်း ... နာဖျား၍လည်းကောင်း ... ထိခိုက်နာကျင်၍၎င်း ... အလုပ်လုပ်ချင်သော်လည်း ... အလုပ်မရနိုင်၍သော်လည်းကောင်း အသက်မွေးဝမ်းကျောင်း မပြုစွမ်းနိုင်သူများသည် အစိုးရ၏ အထောက်အပံ့ကို ရရှိခွင့် ဒီမိုကရေစီ အခွင့်အရေးမျိုးတွေလဲ ... ရှိရ မယ်။

အထက်ပါ ... အချက်တွေဟာ ... ဒီမိုကရေစီ ၀ါဒတွေရဲ့ အခြေခံတွေ ဘဲလို့ ... ယူဆတယ်။ ဒီလို အခြေခံ တရားတွေကို ... ရည်ရွယ်ရင်းရှိတဲ့ ... အဖွဲ့အစည်းဟာလဲ ဒီတရားတွေနှင့် ညီတဲ့ အများဆန္ဒအရ ရွေးကောက်ခြင်း ... ဆုံးဖြတ်ခြင်း ... ဆောင်ရွက်လုပ်ကိုင်ခြင်း ... စတဲ့နည်းစနစ်မျိုးသာ သုံးရပေလိမ့်မယ်။

အဲဒီလို အခြေခံအချက်များအရ ... ကျွန်တော်တို့ ပြည်သူ့ လွတ်လပ်ရေး အဖွဲ့ချုပ်ကြီးကို တည်ထောင်ခဲ့တယ်။ ဒီလို ရည်ရွယ်ချက်တွေရအောင် ပြည်သူ့ ... လွတ်လပ်ရေး အဖွဲ့ချုပ်ကြီးဟာ ... ဂျပန်လက်ထက်အတွင်းမှာဘဲ ၁၉၄၄ ခု၊ သြဂုတ်လကစပြီး ပုန်းရှိုးကွယ်ရှိုး လုပ်လာရပြီး ... ဗမာ့တပ်မတော်နှင့် .... ပြောက်ကျားတပ်များက တပ်ဦးအနေဖြင့် ဂျပန်ဖက်ဆစ်များကို ... မဟာမိတ်များဘက်က ... တိုက်ခိုက်ခဲ့တာကို ... အားလုံးအသိဘဲ။ အခုအခါ ဗမာ့ တပ်မတော်နှင့် ပြောက်ကျား တပ်များက သတ်ဖြတ်ခဲ့တဲ့ ... ဂျပန်ဦးရေဟာ နှစ်သောင်းထက်နဲမှာမဟုတ်ဘူး ... ဒီလို ကျွန်တော်တို့ ပြည်သူ့ လွတ်လပ်ရေး အဖွဲ့ချုပ်ကြီးက ဦးစီး ခေါင်းဆောင်ပြီး ... ဗမာ့တပ်မတော်နှင့် ... ပြောက်ကျား တပ်များက တိုက်ခိုက်ခဲ့တာကိုလဲ ကမ္ဘာတခုလုံးက အသိအမှတ် ပြုကုန်ကြပြီ ... ဘိလပ်မှာ ထုတ်ဝေတဲ့ စက္ကူပြာ-စက္ကူဖြူ စာတမ်း တွေမှာရော ... ဒီအဖွဲ့ချုပ်ကြီးနှင့် ဗမာ့ တပ်မတော်တို့ အကြောင်းကို ... အရေးတယူ ပြောကြ၊ ဆိုကြတယ်။ အမေရိကန်ပြည် ... သတင်းစာတွေမှာရော။ အိန္ဒိယပြည် ... တရုတ်ပြည် ... သတင်းစာတွေမှာရော ... ဥရောပတိုက်မှာရှိတဲ့ ပြင်သစ် နိုင်ငံအစရှိတဲ့ တိုင်းပြည်တွေမှာရော ... ကျွန်တော်တို့ အဖွဲ့ချုပ်ကြီးရဲ့ ကြိုးပမ်းမှုတွေကို ရေးသားလာရကုန်ပြီ။

ဒါတောင် ဗြိတိသျှတို့ဟာ ... ကျွန်တော်တို့ လုပ်သမျှကို ဖုံးနိုင်သမျှ ဖုံးထားသေးတယ်။ အခု ကျွန်တော်တို့ တပ်မတော်က တိုက်ခိုက်တာတွေဟာ ... သတင်းစာတွေထဲမှာ ပါသင့်သလောက် မပါဘူး။ တချို့  နေရာတွေမှာ ... ကျွန်တော်တို့ ပါဝင်ပြီး ... တိုက်ပေမဲ့ ကျွန်တော်တို့ မပါဘဲ တိုက်သလို ... ဂျပန် ကျဆုံးသမျှတွေဟာ သူတို့ချည်း တိုက်လို့ ကျဆုံးသလို သတင်းပေးတယ်။ တချို့  နေရာတွေမယ် ကျွန်တော်တို့ချည်း တိုက်ရတယ်။ ဒါတွေကို သတင်းလဲမပေးဘူး။ ပေးပြန်ရင်လဲ တခြား တပ်တွေတိုက်သလို ... သတင်းပေးတယ်။ အဲသည်လို ... သတင်းတွေ ထိမ်ထားတဲ့ အထဲက ... ကမ္ဘာက ကျွန်တော်တို့ လုပ်ငန်းတွေကို ... အသိအမှတ် မပြုဘဲ မနေနိုင်အောင် အခုဖြစ်ခဲ့တယ်။ ဒီလိုကမ္ဘာက ဗမာပြည်ကို ထင်ထင်ရှားရှား အသိအမှတ် ပြုလာခဲ့တာဟာ ဗမာပြည်ရဲ့ ရာဇ၀င်မှာ ဒီတကြိမ်ဘဲ ရှိသေးတယ် ....။

အခု စစ်ကြီးလဲ ... ပြီးသွားပြီ၊ တိုက်ခိုက်မှုတွေဟာလဲ ... မကြာခင် ပြီးဆုံးတော့မှာဘဲ ... သို့သော်လဲ ကျွန်တော်တို့ ဗမာပြည်ရဲ့ အရေးက ... မပြီးသေးဘူး။ ကျွန်တော်တို့ အရေးဟာ ဗမာ ပြည်သူ ပြည်သားတွေ ... ခေါင်းဆောင်တဲ့ လူတွေ၊ ညီညွတ်စွာနဲ့ လုပ်တတ်မယ်၊ လုပ်မယ်ဆိုယင် အေးအေးဆေးဆေးနဲ့ ပြီးမြောက်နိုင်မယ်လို့ ကျွန်တော် ယုံကြည်တယ် ... ကျွန်တော် ခေါင်းဆောင်နေတဲ့ တပ်မတော်ကလဲ ယုံကြည်တယ် ... ဒါကြောင့် တိုင်းပြည်မှာ ... ညီညွတ်ရေးဟာ အခု အဓိက လုပ်ငန်းဘဲ။ ညီညွတ်ရေး ဆိုပေမဲ့ တိုင်းပြည် လွတ်လပ်ရေးနှင့် ထူထောင်ရေးကို အထက်ပါအခြေခံ အချက်တွေအရ ... ဆောင်ရွက်မဲ့ ညီညွတ်ရေး မျိုးကိုသာ ဆိုလိုပါတယ်။ ရာထူး ဝေစားရုံသာဖြစ်တဲ့ ညီညွတ်ရေးမျိုး။ ရွေးကောက်ပွဲ ချိန်ပြီး ငြမ်းဆင်တက်ရုံလောက် တက်နိုင်အောင် ညီညွတ်ရေးမျိုး ... ဆိုရင်တော့ ဘယ်နည်းနှင့်မှ ... ဖြစ်မှာမဟုတ်ဘူး။ ကျွန်တော်တို့အဖို့ ပြောရရင် အရင်ပထမလူကြီးများ အစည်းအဝေးမှာ ပြောခဲ့သလို ... ကျွန်တော်တို့ဟာ တိုင်းပြည်ရဲ့ ... ခေါင်းဆောင်မှုကိုလည်းကောင်း ... ရာထူးဌာနန္တရ ကိစ္စများမှာလည်းကောင်း ကျွန်တော်တို့ မူပိုင်ရေး ကိစ္စတြီး လုပ်မထားဘူး ဆိုတာ တိတိလင်းလင်း သိစေချင်ပါတယ်။ အခု ကျွန်တော်တို့ဆိုရင် တပ်မတော်တခုလုံးက ... ပြည်သူ့လွတ်လပ်ရေး ... အဖွဲ့ချုပ်ကြီး အတွင်းမှာ တနိုင်ငံလုံး ညီညွတ်စွာ လွတ်လပ်ရေး ရအောင် လုပ်ရန် ... တာဝန်ပေးလိုက်တယ်။

ဒီလိုတာဝန်ပေးလိုက်တာဟာ ... ဘာပြုလို့လဲဆိုရင် ... တပ်မတော်သားတွေဟာ ဂျပန် လက်ထက်ကလဲ အမျိုးမျိုး ဆင်းရဲခဲ့တယ်။ အခုဆိုရင်လဲ ... လခတပြားမှ မရသေးဘဲနှင့် အဆင်းရဲအပင်ပန်းတွေ အမျိုးမျိုးခံပြီး အသက်စွန့်၍ တိုက်ခဲ့ ကြတယ်။ အဲဒီလို တိုက်ခဲ့ပြီးတော့ ငါတို့ တိုက်ကျိုးနပ်မှ နပ်ပါ့မလားလို့ တချို့ များ တိုက်ရင်းခိုက်ရင်း ကျဆုံးခါနီးမှာ စိတ်အလွန်စောပြီး ဗမာပြည်က လူတွေ ညီညွတ်ပြီး လွတ်လပ်အောင် လုပ်ပါ။ ကျုပ်တို့တော့လွတ်လပ်ရေး အတွက် ဆိုပြီး တိုက်လို့ သေတော့မယ်လို့ မှာကြားသွားကြသေးတယ်။ အဲဒါတွေ ကြားပြီး တနေ့က ပဲခူးနှင့်ရန် ကုန်မှာ တိုင်းတပ်မှူးတွေနှင့် ကျွန်တော်တို့ ... တပ်မတော် အရာရှိကြီးတွေ ... အစည်းအဝေးက တပ်မတော်တခုလုံး လွတ်လပ်ရေး ကိစ္စနှင့်ပက်သက်ပြီး ... စိတ်တထင့်ထင့် ဖြစ်နေကြတာကို မဖြစ်ရလေအောင် ... တိုင်းပြည်က ညီညီ ညွတ်ညွတ်နဲ့ ... ပြည်သူ့လွတ်လပ်ရေး အဖွဲ့ချုပ်ကြီးမှာ ... လုပ်ကြပါ ဆိုတာ ကျွန်တော်တို့ ကြေငြာခဲ့တယ်။

အခု ကျွန်တော် ပြောနေတာဟာ ... ပြည်သူ့ လွတ်လပ်ရေး အဖွဲ့ချုပ် ဥက္ကဋ္ဌ အနေနဲ့လဲ ဖြစ်တယ်။ တပ်မတော် သေနာပတိ အဖြစ်နဲ့လဲ ဖြစ်တယ်။ ကျွန်တော် ပြောခဲ့တဲ့ စကားတွေဟာ ... တပ်မတော်မှာရှိတဲ့ ... စစ်သားတွေက အစ စိတ်ထဲမှာ ရှိတဲ့ စကားတွေဘဲ။ ဒါတွေကို ခင်ဗျားတို့ပိုပြီး ... အကောင်အထည်နဲ့ မြင်ချင်ရင် ခင်ဗျားတို့ ကျုပ်တို့ စစ်သားတွေရှိတဲ့ နေရာကို လိုက်ပြီး ကြည့်လို့ရှိယင် ပိုပြီး သဘောပေါက် ထင်မြင်ကြမယ်။ ဒီစကားကို ကျွန်တော် အပိုပြောတာ မဟုတ်ဘူး။ တကယ် ခင်ဗျားတို့ လိုက်ကြည့်ချင်တယ်ဆိုယင် ကျွန်တော်တို့ လိုက်ပို့မယ်။ စစ်သားတွေကို ခင်ဗျားတို့ ကိုယ်တိုင် မေးကြည့်စေချင်တယ်။ အဲဒါကြောင့် ကျွန်တော် လေးလေးနက်နက် ပြောချင်တာက ... ပြည်သူ့လွတ်လပ် ရေးအဖွဲ့ချုပ်ကြီးကို အခြေခံထားပြီး အထက်ပါ သဘောတရားများ အချက်အလက်တွေအရ ကျွန်တော်တို့ လုပ်ထားတဲ့ စည်းမျဉ်းဝါဒတွေကို ညှိနှိုင်းပြုပြင်ယူပြီး၊ ခိုင်မြဲတောင့်တင်းတဲ့ အဖွဲ့ချုပ်ကြီးဖြစ်အောင် ၀င်ရောက် လုပ်ကိုင်ကြပါ။ မကြာခင်လဲ ... ကျွန်တော်တို့ဟာ ပြည်လုံးကျွတ် အစည်းအဝေးကြီး ... ခေါ်တော့မယ်။ အဲဒီ ပြည်လုံးကျွတ် ... အစည်းအဝေးခေါ်တဲ့အခါ အဖွဲ့ချုပ်ကြီးရဲ့ စည်းမျဉ်းဝါဒတွေကို ... အတည်ပြုပြီး ရှေ့ ဆက်လက် ... အလုပ်လုပ် ရလိမ့်မယ်။ ဒီကြားအတွင်းမှာလဲ ... မြို့လုံးကျွတ် အစည်းအဝေးကို ... ၁၉ ရက်နေ့မှာ ကျင်းပမယ်။ နောက်လဲ နယ်တိုင်း နယ်တိုင်းမှာ ... ဒါမျိုးတွေ ကျင်းပပြီး ... အဖွဲ့ချုပ်ကြီးကို ပြန်လည် ... ဖွဲ့စည်းရလိမ့်မယ်။

အခုအထိလဲ ... ကျုပ်တို့ အဖွဲ့ချုပ်ကြီးဟာ ... နေ့စဉ်နှင့်အမျှ ဖမ်းဆီးထားတဲ့ လူတွေ ကိစ္စ၊ စစ်ပြေး ဒုက္ခသည်တွေကိစ္စ ... ဖက်ဆစ်တိုက်ဖျက်ရေးကိစ္စ ... ပြန်လည်ထူထောင်ရေး ကိစ္စတွေမှာ ... အပြောသာမဟုတ်ဘဲ ... အလုပ်နဲ့ လုပ်နေကြတယ်။ ကျွန်တော်တို့ဟာ အသီးသီး လက်ငင်း အလုပ်တွေနှင့် အားတယ်ရယ်လို့ မရှိဘူး ... ကျွန်တော် ကိုယ်တိုင်ဆိုရင်လဲ တပ်တွေရှိရာ သွားကြည့်နေရတယ်။ မကြာခင်ကဘဲ ပြန်ရောက်တယ်၊ သို့ပေမဲ့ ကျုပ်တို့ ဘယ်လောက် ပင်ပင်ပန်းပန်း ခေါင်းဆောင်မှုကို ငါတို့ချည်း အုပ်စားမယ်ဆိုတဲ့ မူပိုင်ထားချင်တဲ့စိတ်အလျဉ်းမရှိဘဲ။ ဒီအဖွဲ့ချုပ်ကြီး ကြီးပွားတည်တံ့နိုင်အောင် အခုကြွလာတဲ့ ... လူကြီးများက အစပြုပြီး၊ တိုင်းပြည်ရဲ့ ... လက်ထဲကို အပ်လိုက်ပါတယ်။ အခု ... အဖွဲ့ချုပ်ကြီးအတွင်းမှာ ... ဗမာ့တပ်မတော်၊ လူငယ်များ အစည်းအရုံး ... ကွန်မြူနစ်ပါတီ၊ ပြည်သူ့အရေးတော်ပုံ အဖွဲ့ ... မျိုးချစ်ပါတီ ရခိုင် အမျိုးသား အစည်းအရုံး၊ .... ကရင် အမျိုးသား အစည်းအရုံး အပြင် အခြား ပုဂ္ဂိုလ်များလဲ ... ပါဝင်ပြီး .... ဖြစ်တယ်။ ကျန်တဲ့ အဖွဲ့များ ပုဂ္ဂိုလ်များကိုလဲ ဒီအဖွဲ့ချုပ်ကြီး အတွင်း ... ၀င်ရောက်ရန် ဖိတ်မန္တက ... ပြုပါတယ်။ အဲဒီလို ၀င်ရောက်လာတဲ့ အဖွဲ့တွေ ပုဂ္ဂိုလ်တွေကို .... ယခု ပြန်လည်ဖွဲ့စည်းမဲ့ ဗဟို ဦးစီးအဖွဲ့က စဉ်းစားပြီး လက်ခံရပါလိမ့်မယ်။ ဒီကိစ္စနှင့် ပက်သက်ပြီး အဖွဲ့ချုပ်ထဲပါတဲ့ ... အဖွဲ့အချင်းချင်း ဆက်သွယ်ရမဲ့ စည်းကမ်းတွေကို ... လောလောဆယ် ... စည်းမျဉ်းတွေ အဲဒါတွေကို အထွေထွေ အတွင်းရေးမှူးက ... ရှင်းလင်း ပြောပြပါလိမ့်မယ်။

ထို့နောက် ... အထက်ပါ ကိစ္စနှင့် ... ပက်သက်ပြီး ကျကျနန ဆွေးနွေးပြီးတော့ ... ကျွန်တော်တို့ဟာ အခု စစ်ကြီးပြီးတာနှင့် ... ပက်သက်ပြီး လက်ငင်း လုပ်ငန်းများ ... ပေါ်လာပါတယ်။ ဒီလုပ်ငန်းတွေထဲမှာ စစ်အုပ်ချုပ်ရေး ... အမြန်ရပ်စဲစေဖို့နှင့် အမျိုးသားအစိုးရ တည်ထောင်ရေး ... ဖြစ်တယ်။ အမျိုးသား အစိုးရ တည်ထောင်ရေး ဆိုဒါဟာ ... ဘုရင်ခံပြောတဲ့ အမှုဆောင် အဖွဲ့မျိုးမဟုတ်ဘဲ ... တိုင်းပြည် တပြည်လုံး ပြည်တွင်းပြည်ပ ကိစ္စအရပ်ရပ်တို့ အာဏာပိုင်ပြီး၊ တိုင်းရင်းသားများသာ ပါတဲ့ အမျိုးသား အစိုးရကို ဆိုလိုပါတယ်။ အဲဒီလို အဖွဲ့ဖွဲ့နိုင်မှသာ နောက်လာမဲ့ တိုင်းပြု ပြည်ပြုလွှတ်တော်တို့ ... ဗြိတိသျှ အစိုးရတို့နှင့် ချုပ်ဆိုရမဲ့ စာချုပ်တွေဟာ စီစဉ်လို့ ဖြစ်နိုင်မယ်။ ဒီလို အမျိုးသား အစိုးရဆိုဒါ မဖြစ်ဘဲနဲ့ ... ကျုပ်တို့ဟာ ဒိုမီနီယံ အုပ်ချုပ်ရေးတောင် ကောင်းကောင်းနှင့် မြန်မြန် ရချင်မှရမယ်။ ဒါကြောင့် ... အခု ဘုရင်ခံ ပြန်လာရင်ဖွဲ့မယ့် အစိုးရအဖွဲ့နဲ့ လွှတ်တော်ဟာ အခရာဖြစ်နေတယ်။ ဒီအစိုးရနဲ့ ဒီလွှတ်တော်က လာမဲ့ ရွေးကောက်ပွဲ ကိစ္စနှင့် ပက်သက်ပြီး တိုင်းပြုပြည်ပြု လွှတ်တော်က ရွေးကောက်ပွဲမျိုး ဖြစ်အောင်မလုပ်ဘဲ၊ တော်အောင် ရော်အောင် မလုပ်နိုင်ရအောင် အစိုးရကလဲ ကျွန်တော်တို့ သဘောကျ အမျိုးသား အစိုးရဖြစ်ရမယ်။ လွှတ်တော်မှာလဲ ကျွန်တော်တို့ သဘောကျ လူတွေ ဖြစ်နိုင်ရမယ်လို့ အဲဒီလို တညီတညွတ်တည်း ပြုလုပ်ဖို့ လိုတယ်။ ဒီလို တညီတညွတ် စီမံတာကို ... ဘုရင်ခံက လက်မခံရင် ... ကျွန်တော့ သဘောပြောရရင် ... တဦးစီ တဦးစီ ... ဘုရင်ခံက လက်မခံရင် ... ကျွန်တော့် သဘောပြောရရင် တဦးစီ တဦးစီ ... ဘုရင်ခံက ... ခေါ်ပြီး ရာထူးပေးပေး ... နေရာပေးပေး ... လက်မခံစတမ်းလို့ ဆုံးဖြတ်စေချင်တယ်။

အားလုံးဒီမှာ ကြွရောက်လာတဲ့ ... လူကြီးတွေဟာ ပညာရှင်တွေဘဲ ... ဘုရင်ခံပြောသွားတဲ့ စကားတွေဟာ ... အလိမ္မာ သုံးတဲ့စကားတွေ အများကြီး ပါတယ်ဆိုတာလဲ ... သတိထားမိပါလိမ့်မယ်။ ခင်ဗျားတို့က သဘော တူညီကြတယ်ဆိုရင် ... ကျုပ်တို့က လုံးဝလွတ်လပ်ရေး တောင်းခွင့်ပြုဖို့ အဆင်သင့်ဘဲ ဆိုတဲ့ ... သဘောကို ဘုရင်ခံ ပြောသွားတယ်။ ဒါကြောင့် တိုင်းပြည် ညီညွတ်ရေးကို အဓိကထားတဲ့ ပြည်သူ့ လွတ်လပ်ရေး အဖွဲ့ချုပ်မှာပါပြီး။ ဒီကိစ္စ အရပ်ရပ်တွေမှာ တညီတညွတ်တည်း လုပ်ကြရန် ထပ်လောင်း၍ တိုက်တွန်းလိုက်ပါတယ်။

နိဂုံးမချုပ်မီ ... တပ်မတော်ကိစ္စကို ... အစီရင်ခံလိုပါတယ်။ အခု ကျွန်တော်တို့ တပ်မတော်ကို ... နာမည်သာ ရှိတဲ့ ဗမာ့ ပြည်တပ်မတော်ဆိုဒါထက် ... သိမ်းသွင်းမယ်လို့ ... သာမန်သာ ဆိုတယ်။ အဲသလိုသိမ်းသွင်းမယ် ဆိုဒါဟာလဲ ... ကျွန်တော်တို့ တပ်မတော်ကို ... မူပြုပြီး သိမ်းသွင်းမယ်ဆိုတဲ့ သဘော မဟုတ်သေးဘူး... ။ ပြီးတော့ ကျွန်တော်တို့ တပ်မတော်ကို .... မူပြုပြီး ဗမာပြည် တပ်မတော် တည်ထောင်တောင် ... ပထမဆုံး ရှင်းရှင်းလင်းလင်း သဘောတူရမဲ့ အချက်တွေ ... ရှိပါသေးတယ်။ ဒီအချက်တွေနဲ့ ... ပက်သက်ပြီး အခုထိ ဟောပြောတဲ့ ... အနေမျိုးနှင့် တချို့  အချက်တွေ ... ရှင်းလင်းပြီး တချို့  အချက်တွေ မရှင်းလင်းသေးဘူး။ ဒါကြောင့် ... အခု အဖွဲ့ချုပ်က ... တပ်မတော်နှင့် ပက်သက်တဲ့ အဆိုကို ဆုံးဖြတ်ဖို့ ... တင်ပြထားပါတယ်။

အခု ကမ္ဘာစစ်ကြီး အတွင်းမှာရော ... အပြီးမှာရော ... ကမ္ဘာကြီးဟာ အင်မတန် ပြောင်းလွဲနေတယ်။ ဗမာပြည်မှာလဲ ပြောင်းလွဲနေတယ် ... ရှေးနည်း ရှေးစနစ် အယူမျိုးတွေနဲ့ ... လုပ်လို့ရမယ်လို့ ထင်တဲ့ လူတွေဟာ ကမ္ဘာကြီးမှာလဲ ... ပပျောက်ကုန်ပြီ၊ ဗမာပြည်မှာလဲ ... ပပျောက်မှာဘဲ။ ကမ္ဘာ့ တံတိုင်းကြီးမှာ ရှိတဲ့ ဒီသင်ခန်းစာတွေကို ... ကျွန်တော်တို့ဟာ အလေးဂရုပြုပြီး ... တညီတညွတ်တည်း ... နိုင်ငံ၏လွတ်လပ်ရေးကို အမြန်ရအောင် ကြိုးစားကြပါ။ အဲဒီလို ထိထိရောက်ရောက် လုပ်နိုင်အောင် ပြည်သူ့ လွတ်လပ်ရေး ... အဖွဲ့ချုပ်ကြီးအတွင်းသို့ ... ၀င်ရောက်ကြပါဆိုတာကို ... နောက်ဆုံး ထပ်လောင်း၍ တိုက်တွန်းပါတယ်။ ။